查詢熱線:
2543 1600
L Travel Facebook Page
Share:
 

韓國自由行推介

行程特色:春天賞櫻花和秋天睇楓葉、享受傳統的溫泉及汗蒸房、於雪地上滑雪及釣冰魚、特色的傳統美食及街頭小食


近年韓風吹襲,唔少人會想去韓國旅行,但因為言語不通,大部分人都會選擇跟旅行團去玩。但可惜的是大家的回應也很一般,如早午晚三餐都係食泡菜,除左樂天世界同行商場就無野玩,一個字“悶”!現在就由我地幫大家解開一切對韓國的誤會啦~~其實韓國一年四季都係旅遊季節:春天睇櫻花及油菜花;夏天睇水花;秋天睇紅葉;冬天睇雪花!


首爾汝矣島櫻花

睇櫻花唔係日本先有,韓國都有得睇。韓國的櫻花偏白色,每年的三月初至四月尾都是櫻花綻放的日子,於首爾汝矣島可以看到馬路的兩旁長滿櫻花樹,可以在櫻花樹下寫意慢步!如果大家都鍾意睇花可以選擇去濟州島,因為大約四月份係濟州除左可以睇到櫻花仲可以睇到油菜花,到處都係遍地的黃金花海,每次都謀殺不少遊客的菲林!(啊~而家應該係記憶咭!)


到左夏天,梗係要同水花玩遊戲。如果講方便,當然去位於京畿道的加勒比海灣水上樂園玩,因為加勒比海灣水上樂園屬於愛寶樂園的一部分,可以一日內玩曬兩個樂園,一次過滿足曬新奇、刺激、好玩的願望!

內藏山是全國第一的楓葉山

秋涼的時候最適合登高,韓國人都會去登高睇楓葉。內藏山是全國第一的楓葉山,整個山頭佈滿楓葉,每次都會感嘆大自然的自然美。同時行下山睇下寺廟,舒展身心!


冬天是韓國最長的一個季節,除左滑雪之外仲有好多野玩,當然滑雪愛好者可以參加韓國滑雪節,體驗滑雪樂趣!如果淨係滑雪唔夠玩,釣冰魚係一個唔錯的選擇。係冰地上面攢一個洞,用簡單的釣魚工具,就能釣到手指大的冰魚。一般韓國人會即場將活生生的冰魚點少少辣椒醬直接放入口,條魚係口入面郁下郁下,真係唔敢想像係咩感覺。如果大家想食熟的冰魚,其實冰地旁邊都有食冰魚的餐廳及攤當,我覺得炸冰魚味道也不俗喔!

冬天是韓國最長的一個季節

進行完一輪冰凍的活動,建議可以去汗蒸幕泡下溫泉。韓國的溫泉都要脫光光的,反正大家都唔認識,不要覺得尷尬。也許可以嘗試光顧一下,叫阿珠媽幫你擦背,跟住可以著返衣服,在出面公眾區的汗蒸房、又有電視睇,又有按摩椅等等。去到汗蒸房要學一下韓劇的情節,買杯飲品及雞蛋,坐進汗蒸房,用頭敲破雞蛋殼。雖然有點痛,但真的幾有趣,大家不防可以試下!


韓國還有很多很多值得大家去的景點

明洞購物

例如:

  • 景福宮(韓國的皇宮,更可以免費試穿韓服);
  • 慶熙大學(全部仿似歐式建築及石像等);
  • 東大門/南大門/明洞購物;
  • 韓國之家(內有 70 多款宮廷美食、傳統藝術表演、傳統文化體驗)

太多都不能盡錄啦,其實講得有幾好都只係文字,旅行不是筆墨所能了解,要自己親身去感受去體驗,也許你會見到與其他人不一樣的韓國,也許你會遇到更好的韓國人,這就是旅行的無限及樂趣!

美食推介:

  • 新堂洞 - 辣炒年糕
  • 南大門 - 蔬菜燒餅
  • 南大門市場 - 手工水餃
  • 新村 - 春村炒雞
  • 明洞 - 農部部隊火鍋
  • 明洞 - 三層肉
  • 景福宮 - 土俗村蔘雞湯

超市必買零食:

  • 香蕉牛奶 / 豆奶
  • 蘆薈飲品
  • 生生烏冬
  • 蜜瓜雪條
  • 辛辣麵 / 薯仔麵
  • 雞泡魚干
  • 紫菜
  • Market O 朱古力

立即查詢