查詢熱線:
2543 1600
L Travel Facebook Page
Share:
 

台灣自由行推介

行程特色:多元化夜市美食、天然溫泉水療、大自然美景如阿里山和日月潭、各種玩水上活動


好想出去散散心,但假期又只得短短幾日,唔使左諗右諗,近近地台灣就o岩晒你!!台灣比起其他東南亞地方,始終能夠低消費高享受。言語溝通簡單,交通便利 !! 台灣其實有好多唔同旅遊特色,捷運走天涯已經過時,懷舊台鐵反而日漸興起,一邊飽覽沿途風光,一邊享用台鐵便當,有雞脾同排骨選擇,諗起都流口水,食物美味與否,都要睇環境同心情。當然去台灣一定不能少了食同玩!!

講飲講食:非台灣夜市莫屬

台灣夜市馳名人所共知,夜市美食多元化,一個夜市就可以搵齊香港人各種至愛小食。有近年紅遍中港的珍珠奶茶、正宗台式蚵仔煎有菜有蛋有蚵仔、足料花枝羹、潤喉蜂蜜苦瓜汁唔使怕熱氣再食過…等等食不完的台灣風味獨特小食,試諗下要由街頭食到街尾真係唔容易,琳瑯滿目的選擇,就算同一款小食都有好幾檔選擇各有出色,食一兩檔好快就要投降,所以我俾個建議大家最好三五知己同行各樣買少少一齊食,咁就唔會咁快投降喇!!

台灣夜市
台北鐃河夜市

當然除了美食有名,部份夜市除了美食之外,兩旁還會販售各式衣服及飾品,有耐性慢慢搵可能搵到唔少意外收穫架,行完消化晒就可以再食過喇!!逛夜市也是一種台灣文化已有七十年以上歷史。台灣每個夜市都有不同的特色與風味。透過各個夜市小吃,遊客可以更認識各地特產,要識食就要搵對夜市先好食 ; 塊面咁大的炸雞排會想起台北市士林夜市,蛇肉與蛇酒、鱉肉、海鮮等滋補美食係台北的華西街觀光夜市搵到唔食都睇下啊、又香又滑充滿營養的木瓜牛奶你會想起高雄六合夜市、十全進補藥燉排骨食完暖笠笠係寒冬進補的好選擇,必去台北第一座觀光夜市饒河街觀光夜市。台灣點止夜市咁簡單!其實還有好多台灣值得推薦食品例如:

  • 麻辣火鍋 ~ 必選太和殿麻辣火鍋 - 台北台中高雄均有、
  • 喜歡海鮮者 ~ 必試金海岸活蝦店胡椒蝦 - 台北基隆路、
  • 吉蒂貓迷 ~ 必到 Hello Kitty Sweets 主題餐廳 - 台北大安路一段

講玩講嘆:當然泡溫泉同欣賞風景都是不可或缺。

台灣每一縣市幾乎都有溫泉的蹤跡,例如:較為有名的台北新北投、陽明山、烏來;台南墾丁四重溪;台東蘇澳冷泉等等著名溫泉區。台灣溫泉日新月異追趕著潮流各具特色,泡溫泉再唔係齋浸咁簡單,因應時代須要開發了溫泉水療、溫泉游泳池、溫泉三溫暖、溫泉按摩池、養生浴場及溫泉健身館…等等,除了泡溫泉之外,還可以用來煮蛋食,泡完溫泉特別肚餓,食返隻外熟內糖芯溫泉蛋簡直是人生一大享受,所以台灣有好多溫泉區都設有煮蛋的設施。當然選擇合適自己的溫泉酒店好重要唔同旅伴組合都各有唔同的需要,有些人比較著重溫泉區周邊環境,例如有些人喜歡近市區方便泡完溫泉後再出去夜市餵五臟六腑 ; 有些人喜歡溫泉區倚傍山林遠離煩囂,享受寧靜洗滌心靈 ;有些人喜歡私人小天地,於房間內設有私人溫泉池。

至於台灣風景靚唔靚?唔洗我講我相信大家就算未曾到訪,都有曾聼過阿里山、日月潭、墾丁、宜蘭等著名風景名勝,阿里山其中雲海、日出、晚霞等自然美景見稱,還有峽谷瀑布、櫻花及竹林景觀更令人流連忘返;台灣最南端--墾丁有台灣後樂園見稱,可以暢玩水上活動感受陽光海灘。

台中合歡山

立即查詢