查詢熱線:
2543 1600
L Travel Facebook Page
Share:
 

就係泰國Style,曼谷掃食停不了


今次到曼谷係要帶班V.I.P.客人到曼谷和芭堤雅飲飲食食,唔好誤會,亦非一定食貴山珍海味,總之平時佢地搵唔到又好味既地道美食,就無限歡迎!

唔係搏命團,所以揀泰航中午航班,到達市中心大約4點幾,今次住一間新酒店Eastin Grande Sathorn,係BTS Surasak站,附近就真係無乜野,但酒店內有天橋正入BTS大堂,落雨都唔驚,4個站話到SIAM站,行都慳番,但酒店非常唔錯,泳池又靚,最重要既係價錢超值嗎? 才七佰幾蚊港幣。

講返食啦,晚飯去左建興中國名人飯堂,已在之前介紹過啦,保持最好咖哩蟹水準,唔講啦!重點係夜宵—潮州打冷。

源利是樂園有幾耐我真係唔知,但我已經幫襯左三十幾年啦,最難得既係一樣裝修,一樣咁舊,和一樣有水準既潮州食品。

白烚魚蛋

係我既推介,超彈牙,有魚味,加上泰國式海鮮醬就真係天衣無縫,我做個實驗,離抬面半呎放魚蛋,係可以彈番上手的,勁呀!

蠔仔蛋

泰國潮州華僑做蠔仔蛋係鮮嫩型,蠔仔蛋醬汁和香菜只係落鑊控炒上碟,軟滑鮮甜又Juice,同港式金黃式的蠔仔餅是兩回事,亦非人人接受,要注意啦。

滷水鵝翼

嘩!入味腍身,非食不可,其他好野自己來發掘啦。零晨都有得食架!地址:Langsuan Area, BTS – Chit Lom Station要知詳細,搵我地啦。

立即查詢