查詢熱線:
2543 1600
L Travel Facebook Page
Share:
 

就係泰國Style,曼谷掃食停不了(二)


早餐食乜好?

泰國源利是樂園宵夜後,帶住滿足既心情和肚皮返酒店休息,第二朝早上有空閒,就搵當地朋友阿奇,托佢到古巴傑士納廟求請三枚佛牌(蝴蝶佛牌),趕住返香港交差。中午帶佢地食白鯧魚粥,咪睇少呢間舖仔係黃橋舊區,一碗小小鯧魚潮式粥要400銖(約HK$105),不過真係唔錯,魚夠新鮮,粥湯食左唔口渴,加埋冬菜香菜,夠滋味,仲有其他海鮮配料選擇。如果覺得食粥單調,仲有鴨肉粉麵可以隔離舖落單送過黎,都非常好味架。

豐富晚餐推介

晚餐既菜館叫Nathong Seafood,食泰菜。水池圍繞格局非常舒適,室外位置可以欣賞池中舞台表演,當然有冷氣房間在四周圍繞啦。「魚露浸盲鰽」是推介菜,原條魚開邊浸透鮮魚露再炸至金黃色。嘩!外脆內軟魚露又唔會太咸,值得一試。「豬頸肉」,「芽菜蠔蛋」,「冬陰公湯」都非常有水準,滿足後黎個甜品吧。口腔仲係充滿酸辣咸時來一客「椰青凍」 – 用椰青肉和水+大菜糕煮好再放回原隻椰青內雪凍,想想都瘋狂。讚呀!! 太飽了,大家今晚肚皮休息,去逛新Night Market – Asiatique The Riverfront,嘩! 唔好抱咁大期望,因為舊址太吸引,太熱鬧了。呢個可能太新關係,路又未完善,有D沙塵滾滾既感覺,又有D臭坑渠水味,D舖好商場式,無乜興趣,逗留半個鐘就離開了。

芭堤雅美食,明早見啦~

立即查詢